"
પાંચાળીનો પોકાર !!!!"
શું બેઠા તમે હું તો શરમાઉં છું
થાંભલા આભના પુત્રવધૂ થાઉં છું
અધર્મી સભામાં બહુ અકળાઉં છું
પાંચ ધાર્યા પછી હવે પસ્તાઉં છું
પાપીઓ આમ આ ચોટલો પકડશે
ધક્કા દઈ આમની તેમની ઢરડશે
પાંડવો પાપણો ઢાળીને પરખશે
નો'તી ખબર આવા નમલા નીવડશે
અકલ જાતી રહી સભાસદ આપની
પુરી ભરાણી ઘડી શું પાપની
બુદ્ધિ મારી ગઈ વયોવૃદ્ધ બાપની
કે ઘડી આવી શું અજબ ઉત્પાતની !
ભારેલો અગ્નિ ઓચિંતો ભભુકશે
વાગડદો વાગડદો બુંગિયા વગડશે
અટંકા વીરલા જંગમાં ઊપડશે
ભેળું કરેલું આ કોણ ભોગવશે !
કાચ ફુટ્યા પછી કહો શુ સાંધવું !
કમર ભાંગ્યા પછી હોય શું કામવું !
રહે નય ખાનારૂં પછી શું રાંધવું !
બાપનું કરીને ભેળું શું બાંધવું !
સમજી જવાય તો હજી પણ સાર છે
અલ્પ છે રોગ ત્યાં સુધી ઉપચાર છે
લાગતો હોય આ જુઠ્ઠો પ્રચાર છે
તો વાર ઝાઝી નથી મેદાન તૈયાર છે
રચનાકાર:-
. પિંગળશીભાઈ ગઢવી
પાંચાળીનો પોકાર !!!!"
શું બેઠા તમે હું તો શરમાઉં છું
થાંભલા આભના પુત્રવધૂ થાઉં છું
અધર્મી સભામાં બહુ અકળાઉં છું
પાંચ ધાર્યા પછી હવે પસ્તાઉં છું
પાપીઓ આમ આ ચોટલો પકડશે
ધક્કા દઈ આમની તેમની ઢરડશે
પાંડવો પાપણો ઢાળીને પરખશે
નો'તી ખબર આવા નમલા નીવડશે
અકલ જાતી રહી સભાસદ આપની
પુરી ભરાણી ઘડી શું પાપની
બુદ્ધિ મારી ગઈ વયોવૃદ્ધ બાપની
કે ઘડી આવી શું અજબ ઉત્પાતની !
ભારેલો અગ્નિ ઓચિંતો ભભુકશે
વાગડદો વાગડદો બુંગિયા વગડશે
અટંકા વીરલા જંગમાં ઊપડશે
ભેળું કરેલું આ કોણ ભોગવશે !
કાચ ફુટ્યા પછી કહો શુ સાંધવું !
કમર ભાંગ્યા પછી હોય શું કામવું !
રહે નય ખાનારૂં પછી શું રાંધવું !
બાપનું કરીને ભેળું શું બાંધવું !
સમજી જવાય તો હજી પણ સાર છે
અલ્પ છે રોગ ત્યાં સુધી ઉપચાર છે
લાગતો હોય આ જુઠ્ઠો પ્રચાર છે
તો વાર ઝાઝી નથી મેદાન તૈયાર છે
રચનાકાર:-
. પિંગળશીભાઈ ગઢવી